Fast Nepal News
Before Breaking News

ब्ल्याङ्क चेक दिएर फरार ढकाल पक्राउ

बैंकिङ कसुर मुद्दामा उच्च अदालत पाटनको आदेशले दोषी ठहर गरी फरार भएका एक व्यक्तिलाई पक्राउ गरी प्रहरीले अदालतमा पेश गरेको छ । खोटाङ घर भई काठमाडौं कागेश्वरी मनहरा नगरपालिका-९ बस्ने वरुण ढकाललाई प्रहरीले पक्राउ गरेको हो । अदालतले उनलाई पाँच दिन कैद र बिगोबमोजिम रू ६१ लाख ५५ हजार जरिवाना हुने ठहर गरेको थियो ।

फैसलापछि फरार रहेका उनलाई प्रहरीको केन्द्रीय अनुसन्धान ब्यूरोको टोलीले काठमाडौंको पेप्सीकोलाबाट पक्राउ गरी फैसला कार्यान्वयनका लागि सोमबार नै काठमाडौं जिल्ला अदालतमा पेश गरेको छ । ब्यूरोका प्रहरी उपरीक्षक गङ्गा पन्तले जानकारी दिएअनुसार ढकालले आफ्नो खातामा पर्याप्त मौज्दात रकम नभएको भन्ने जानीजानी झुक्यानमा पारेर रु ६१ लाख बढीको चेक काटिदिएका थिए ।

 
थप समाचार

कमेन्ट गर्नुहोस

Your email address will not be published.