Fast Nepal News
Before Breaking News

त्रिदेशीय फुटबल प्रतियोगिताको विजेता नेपाली टोलीका खेलाडीलाई एन्फाले जनही एक लाख दिने

अखिल नेपाल फुटबल सङ्घ (एन्फा)ले त्रिदेशीय फुटबल प्रतियोगिताको उपाधि विजेता नेपाली टोलीका खेलाडीलाई जनही रु एक लाख पुरस्कार दिने घोषणा गरेको छ ।

एन्फाले आज विज्ञप्ति जारी गर्दै पुरस्कार दिने घोषणा गरेको हो । दशरथ रङ्गशालामा सोमबार सम्पन्न फाइनल खेलमा नेपालले बङ्गलादेशलाई २–१ गोल अन्तरले पराजित गर्दै उपाधि जितेको हो । नेपालका लागि सन्जोक राई र विशाल राईले एक-एक गोल गरेका थिए।

बङ्गलादेशका लागि सान्त्वना गोल महबुर रहमानले गरेका थिए । नेपालले ३७ वर्षपछि घरेलु मैदानमा उपाधि जितेको हो । विजेता भएबापत नेपाली टोलीले पाँच हजार अमेरिकी डलर पुरस्कार प्राप्त गर्यो भने उपविजेता बङ्गलादेशले तीन हजार डलर पुरस्कार प्राप्त गरेको छ ।फाइनल खेल हेर्न प्रधानमन्त्री केपी ओली,राखेप सदस्य सचिव रमेश सिलवाल लगायत अन्य विशिष्ट व्यक्तित्वहरुको उपस्थिति थियो।

 
थप समाचार

कमेन्ट गर्नुहोस

Your email address will not be published.