Fast Nepal News
Before Breaking News

हवाइजहाजको पाङ्ग्रामा बसेर एक युवक केन्याबाट हल्याण्ड पुगे

हवाइजहाजको तल्लो भागको ल्याण्डिङ गियरमा बसेर १६ वर्षका एक किशोरले ५ हजार माइलको यात्रा गरेका छन् । लण्डनबाट उडेको जहाज नेदरल्याण्डको होल्याण्ड पुगेपछि मात्रै एयरपोर्ट स्टाफले ल्याण्डिङ गियरमा मानिस भएको थाहा पाएका थिए । करिब १९ हजार फिटको उचाइमा निकै चिसोमा रहेका कारण ती युवक हाइपोथर्मियाका शिकार भएका थिए तर आश्चर्यजनक रुपमा जीवित थिए ।इन्डिपेन्डेन्टको रिपोर्टअनुसार किशोरलाई अस्पतालमा भर्ना गरिएको छ जहाँ उनको उपचार भइरहेको छ ।

रिपोर्टका अनुसार ती किशोरले ल्याण्डिङ गियरमा बसेर करिब ५ सय १० किलोमिटर यात्रा गरे । होल्याण्डको मास्ट्रिच्ट एयरपोर्टमा जहाज अवतरण गर्ने क्रममा उनलाई त्यहाँबाट निकालिएको थियो । रिपोर्टका अनुसार ती किशोर टर्किश एयरलाइन्सको कागों विमानको ल्याण्डिङ गियरमा बसेका थिए ।एक दिन पहिले मात्रै यो जहाज केन्याको नैरोबीबाट टर्कीको इस्तानबुल हुँदै लण्डन पुगेको थियो । ती किशोर केन्याली नागरिक हुन् र उनी नैरोबीबाटै ल्याण्डिङ गियरमा लण्डनसम्म पुगेको र त्यहाबाट पनि त्यही ठाउँमा बसेर हल्याण्ड पुगेको आशंका गरिएको छ ।युवकको नाम भने खुलाइएको छैन।

नैरीबीबाट लण्डनसम्म पनि उनी त्यसैगरी पुगेको पुष्टि भइसकेको छैन ।घटनाको खुलासा भएपछि स्थानीय अधिकारीहरुले यो मानव तस्करीको केस हो वा होइन भन्ने पनि जाँच गर्ने बताएका छन् । मास्ट्रिच्ट विमानस्थलका एक अधिकारीका अनुसार किशोर निकै भाग्यशाली थिए र यसरी यात्रा गर्दा पनि बाँचे किनकि यो विमान उचाइमा हुँदा ल्याण्डिङ गियरमा तापक्रम माइनस तीस डिग्री सेल्सियससम्म झर्छ । यसअघि पनि मानिसहरु ल्याण्डिङ गियरमा बसेर यात्रा गरेका घटना पाइएका छन् घर धेरैजसो घटनामा यसरी यात्रा गर्नेको ज्यान गएको छ ।

 
थप समाचार

कमेन्ट गर्नुहोस

Your email address will not be published.